Римејкот на серијата „Rebelde“ пристигна на Нетфликс: Сѐ што треба да знаеш за новите епизоди

Серијата „Rebelde“ најверојатно беше една од најпопуларните тинејџерски серии во период од 2004 до 2006 година, кога се емитуваше ширум светот. Кај нас беше преведена како „Бунтовници“, а од неа се родија многу познати личности, помеѓу кои се Анахи и Дулче Мариа. На Нетфликс не му требаше долго за да го увиди потенцијалот што го носи називот на серијата и да направи римејк, кој од 5 јануари е достапен за гледање. Во продолжение е сѐ она што треба да го знаете за оваа серија.

За што станува збор во серијата „Rebelde“?

Сценариото на новата серија повторно е сместено во елитното, приватно училиште „Elite“, а во него се вмешани нови ученици. Училиштето „EWS“ е познато по своите познати ученици - млади луѓе кои се подготвени да го засенат светот. Во неговите сали се обликувале икони кои со своите таленти збавувале милиони, а училниците ги претвориле учениците во ѕвезди, подготвени за големата сцена.

Новата генерација ученици кои се запушуваат во училиштето сонуваат за тоа да станат дел од престижната музичка програма и да победат во Битката на бендови и да станат музички ѕвезди.

Кој глуми во новата серија „Rebelde“?

Новите епизоди ни носат нови ликови, но и нови актерски имиња: некои од нив ни се помалку, други повеќе познати.

Естефаниа Вилареал е Селина и неа ја знаеме од оригиналната серија. Таа сега е директорка на училиштето.

Џована Гриџо е Емилиа, Серхио Мајер е Естебан, Франко Масини е Лука, Памела Алманза е Анита, Алехандро Пуенте е Себас, Азул Гуаита е Хана, Херонимо Кантило е Диксон, Андреа Чапаро е МЈ, Лео де Лозан е Марсело (таткото на Лука), Карла Газкон е Лордес и Лизет Селен е Анди.

Не е познато дали некој од оригиналната постава ќе се појави во оваа верзија од серијата.

Колку епизоди има римејкот на серијата „Rebelde“?

Римејкот на серијата „Rebelde“ има 8 епизоди, а секоја од нив трае 40 минути. За сега не е познато дали ќе се снима и втора сезона од серијата.