Официјално е: Адел призна дека е во врска, а покажа и со кого (ФОТО)

Во последниве години излегуваше со различни мажи, но дури сега призна кое е нејзиното вистинско момче.

Адел изгледа подобро од било кога на новите фотографии што ги објави на својот профил на Инстаграм. Отпрвин, мислевме дека само објави фотографии од моментот кога се подготвуваше за настанот, но ако ги прегледате сите фотографии, на последната таа откри со кого е во врска.

Пред една година, почна да се шпекулира дека Адел можеби е во врска, но никој не беше сигурен со кого. Но, сега нема сомнение, Адел е во врска, а нејзиното момче е Рич Пол, спортски агент. Иако не можевме да ја видиме на Мет Гала, таа имаше друг голем настан затоа што објави тотално гламурозни фотографии за викендот.

Пејачката не објавува често на Инстаграм, па кога објавува нешто, сите очи се вперени во нејзиниот профил. Таа објави три фотографии со наједноставен опис - црвено срце. Со оглед на тоа што веќе некое време се сомневаше дека Рич Пол е нејзиното момче, а сега објави фотографија со него и го стави срцето - сите веднаш претпоставија дека тоа значи дека сега и официјално се заедно.

Со секое ново издание, Адел ги радува своите обожаватели, но во коментарите секогаш преовладува едно прашање, кое се најде во фокусот и сега - „кога ќе биде новиот албум?“. Адел ужива во животот, а нејзината музичка кариера се чини дека е ставена во мирување.