Дали го препознавате: Не е Панчев, а е најдобар стрелец во историјата на фудбалската репрезентација на Македонија (ФОТО)
Горан Пандев е роден во Струмица, па ја започна својата кариера како дете во својот роден град во ФК Беласица. За првиот тим на Беласица, Пандев настапувал само една сезона во рамките на Првата македонска фудбалска лига.
Во летото 2001-ва година, на само 18 години, талентираниот Пандев бил продаден на Интер од Милано за сума од 250.000 евра. Неговата кариера продолжува во Италијанската лига каде остава значителен печат со повеќе од 500 натпревари и повеќе од 100 гола. Тој добива и италијанско државјанство, а минатата година после 20 години фудбалска кариера се пензионираше.
Пандев исто така е и најдобар стрелец во историјата на репрезентацијата на Македонија, со 122 натпревари за Македонија и постигнати 38 гола. Во 2009-та година се ожени со својата сопруга Надица со која имаат три деца: Филипо, Ана и Софија.