И покрај богатството од половина милијарда долари, Џон Бон Џови мие садови во ресторан пет дена во неделата

Фото насловна: Твитер

Во 2011 година, рокерот Џон Бон Џови започна да го работи ланецот ресторани „The Soul Chain“, кој нуди бесплатна храна за оние кои не можат да си го дозволат тоа, а неодамна во едно интервју откри дека работи пет дена во неделата во еден од рестораните и мие садови, и покрај фактот дека неговото богатство достигнува половина милијарда долари.

Бон Џови се појави во шоуто на Хауард Стерн, јавувајќи се од неговиот дом во Њу Џерси. Тогаш рече дека продолжува да работи во кујната „Soul Kitchen“ пет дена во неделата, помагајќи му на неговиот ресторан да обезбеди оброци за луѓето кои имаат потреба.

„Буквално работам таму во кујната со готвачот и управителот на ресторанот“, рече Бон Џови.

„Тоа е тоа. Буквално, јас сум во кујната и мијам садови. Немам што да правам со оние надвор, освен влегување и излегување од ресторанот. Значи, ние го практикуваме и внимаваме  на нашето социјално дистанцирање“, објасни Џови.

Уште во 2020 година, фотографии на Бон Џови протекоа од кујната на еден од рестораните, на кои се гледа како рок-sвезда мие садови. 

За време на пандемијата, „Soul Kitchen“ беше отворена исклучиво за луѓето кои имаа потреба и оние кои не можеа да си дозволат ниту еден оброк дневно. Како што рече Бон Џови - тој не можеше да затвора ресторани во време кога имаше толку многу луѓе на кои им требаше храна.

„Луѓето кои веќе беа бездомници изгубија ресурси, а луѓето кои останаа без работа и не можеа да купат им требаше помош“, рече Бон Џови.

Фото: Инстаграм