Кога првпат добив менструација со Мартина Баракоска: Тоа беше радосен момент

Мартина Баракоска, девојката од Дупер, искрено и без влакна на јазикот ни го раскажа своето менструално искуство, но и даде неколку совети кои сигурно ќе ти помогнат да ги пребродиш деновите за време на менструацијата.

#  Кога прв пат доби менструација?

Јас не памтам точно, ама мајка ми вика дека сум имала 11 и пол години :)

# Како го доживеа моментот на првото добивање, на кого прво му се обрати, што ти се смени по тој момент…

Бидејќи имам постара сестра го доживеав многу природно (како што и треба да биде), а прво се обратив кај мајка ми. Искрено го памтам како радосен момент.

# Од кого добиваше најмногу совети за менструацијата?

Од мајка ми и сестра ми.

# Што е важно да знаат младите девојки за менструацијата, твои трик совети како излегуваш на крај со ПМС?

Важно е да не се срамат од тоа во својата околина и да зборуваат отворено на таа тема. Мој трик совет е многу јадење пред добивање, поголема активност за да биде помалку болно и најважно од сѐ - хигиена.