Колку чаши вода треба да пиете дневно: Бројката не е иста за женски и машки

Ова нека ви биде потсетник се напиете малку вода

Има толку многу придобивки што доаѓаат со пиење повеќе вода дневно, но веројатно веќе го знаете тоа. И колку вода всушност треба да пиеме во еден ден?

Сите секогаш велат дека треба да пиеме многу вода дневно, но колку е доволно? Дали е исто и за девојчињата и за момчињата? И колку всушност се мисли на една чаша? Сега ќе дознаете сè! За почеток, да го повториме најважното, исклучително е важно да пиете доволно течност, идеално вода, во текот на денот! Ова е добро за вашиот имунитет, за вашата кожа, за да ги намалите вашите главоболки... а некои експерти дури велат дека нашиот мозок може да ја згреши екстремната жед и да ја препознае како глад. Тоа не е лошо да го знаете доколку, како една од вашите новогодишни одлуки, е да сакате да изгубите неколку килограми. Ова се само дел од придобивките од пиењето вода во текот на денот. Да испиете куп вода наеднаш и да мислите дека сте ја завршиле дневната доза не е начин да го направите тоа, па дури може да биде и штетно.

Целта треба да ја достигнете малку по малку во текот на денот. А која е таа?

Медицинскиот експерт за „Glamour“ изјави дека за момчињата е 3,7 литри вода дневно, а за девојчињата 2,7 литри вода дневно. Во чаши тоа би значело дека момците треба да пијат 15 и пол чаши вода, а девојките 11 чаши. Се мисли на оние помалите чаши од 250 милилитри.

Ова е количината што треба да ја распределите во текот на денот од утро до спиење. Идеално е да се напиете чаша вода веднаш наутро кога ќе станете од кревет. Освен вода, во оваа количина течност влегуваат и други течности кои ги пиете во текот на денот, како сокови, чај...НО, водата е најдобриот избор и треба да се трудите да пиете што повеќе вода. Кафето не се вбројува во дневниот внес на течности, како и алкохолот. За оние кои едноставно не се сеќаваат да пијат вода во текот на денот, добро решение е шишето со вода кое можете да го носите каде и да одите и да го имате со себе доколку, на пример, сте во вашата соба и учите или гледате серија. Кога ќе завршите, ќе се сетите и ќе се напиете од него.

Извор: teen385.dnevnik.hr