Моќно збогум: Кирил Лазаров со круна на главата и со сопругата и децата покрај него, испратен во пензија

Моќно збогум: Кирил Лазаров со круна на главата и со сопругата и децата покрај него, испратен во пензија

Објавена во: Спорт // Ракомет

Ракометната македонска легенда и играч на францускиот клуб Нант, нашиот Кирил Лазаров вчеравечер беше испратен со сите почести, како крал, во играчка пензија.

Лазаров вчера го одигра претпоследниот натпревар, а последен пред фановите на Нант, додека последниот натпревар во кариерата на Лазаров ќе биде викендов на финалето на Купот меѓу ПСЖ и Нант.

Спектакуларното шоу што му го приреди клубот Нант синоќа, е дефинитивно едно незаборавно испраќање на Кралот на ракометот и баш онакво какво што тој заслужува.

Го седнаа на престол, му ставија круна на главата и му оддадоа неизмерна почит за се' што направил за Нант.

 Со сопругата Љубица и двете деца, Лазаров уживаше во стоечките овации.

Сите на трибините ставија круни на главите.
фото: Принтскрин / Инстаграм

Објавена во: Спорт // Ракомет

Можеби ќе ве интересира: