Нов тренд на Инстаграм: Се фотошопира уште еден дел на телото и изгледа пречудно

Популарноста на апликациите за средување на фотографиите расте и нема некој кој барем малку не ги уредил фотографиите пред да ги објави на социјалните мрежи. Средување на лицето, средување на косата, намалување на половината... тоа се работите на кои сме навикнати дека се уредени на фотографиите, но сега се појави уште една несовршеност која сите ја имаат, а им пречи на девојките на Инстаграм.

Корисниците на Инстаграм пронајдоа уште една маана на телото која се повеќе ја „средуваат“ со апликациите за уредување на фотографиите - прстите. Кога се враќаш од маникир и си презадоволна со изгледот на своите нокти и сакаш веднаш да споделиш фотографија на Инстаграм, но што е со оние „грди“ грутки на кожата околу зголобовите на прстите? Тоа можеш да го средиш во апликацијата за едитирање! Експертот за Инстаграм, Сара Таскер забележала дека овој тренд е многу присутен на фотките и дека девојките се повеќе ги „пеглаат“ прстите.

New in “instagram trends that quietly frighten me” we have airbrushing out your knuckles for that ‘hot dog’ look... pic.twitter.com/grttFaoNal
— Sara Tasker (@meandorla) November 14, 2019

Така уредените фотографии воопшто не изгледаат природно, прстите изгледаат анормано, но по критериумите на сопствениците на фотографиите тоа е „совршено“. Но, зошто луѓето се срамат од ова, на никој не му е јасно?