Новак му дозволи да го држи трофејот, а сега се појави неодоливо видео: За кого навиваше принцот Џорџ на финалето на Вимблдон?

Новак му дозволи да го држи трофејот, а сега се појави неодоливо видео: За кого навиваше принцот Џорџ на финалето на Вимблдон?

Објавена во: Спорт // Останати спортови

Синот на војводата и војвотката од Кембриџ, принцот Џорџ вчера за првпат во живо го гледаше финалето на Вимблдон, а по натпреварот доживеа нешто што засекогаш ќе го памети...

Новак Ѓоковиќ вчера во Лондон го освои Вимблдон по седми пат, а трофејот сега веќе традиционално му го врачи Кејт Мидлтон, војвотката од Кембриџ и сопруга на принцот Вилијам, која е покровителка на најстариот тениски турнир на светот.

Како и секоја година, откако победикот одржа говор, се фотографираше и се поздрави со публиката од балконот, следуваше и разговор со принцот Вилијам и Кејт Мидлтон. Оваа година, на нив двајца им се придружи и најстариот син, принцот Џорџ, кој инаку е трет во редот за престолот.

Џорџ изгледаше многу возбудено и напнато за време на натпреварот, а по финалето имаше можност и да позборува со Ѓоковиќ, кој му направи неверојатна чест - му дозволи да го држи неговиот трофеј.

Инаку, во прашање е признание кое тежи 3,5 килограми, а малиот принц и идниот крал на Велика Британија призна дека му било лесно да го држи трофејот, по што доби помош од мама Кејт.

Сега, се појави видео на кое пред почетокот на натпреварот за време на лежерниот разговор со официрите на Вимблдон, Џорџ добил прашање за кој ќе навива.

„За Ѓоковиќ“ - им одговорил малиот принц.


Со оглед на тоа што Австралија, чиј претставник му беше ривал на Новак во финалето, Ник Киргиос, е една од земјите на Комонвелтот, се очекуваше малиот принц да навива за него, но изгледа дека Ѓоковиќ има многу важен голем обожавател.

фото: Принтскрин / Твитер

Објавена во: Спорт // Останати спортови

Можеби ќе ве интересира: