Популарните слатки кај децата може да предизвикаат рак: Некои земји ја забранија нивната употреба

Дали шеќерната волна може да предизвикаат рак? Некои индиски држави мислат така и ја забранија продажбата на розовото слатко задоволство...

Минатата недела, јужната држава Тамил Наду ја воведе забраната откако лабораториските тестови потврдија присуство на супстанца што предизвикува рак, Родамин-Б, во примероците испратени на тестирање.

Претходно овој месец, федералната територија Пудучери го забрани ова благо, додека другите држави почнаа да тестираат примероци од него.

Шеќерната волна е популарна меѓу децата ширум светот, а тие ги сакаат поради неговата блескава текстура што се топи во устата. Но, некои индиски официјални лица велат дека слаткото е позлобно отколку што изгледа, пишува Би-Би-Си.

П. Сатиш Кумар, службеник за безбедност на храна во градот Ченаи во Тамил Наду, рече дека состојките во шеќерната волна можат да доведат до рак и да влијаат на сите органи во телото.

Неговиот тим минатата недела извршила рација кај продавачите на слатки на градската плажа. Кумар рече дека слатките што се продаваат во градот се произведени од независни продавачи, а не од регистрирани фабрики.

Неколку дена подоцна владата објави забрана за негова продажба откако лабораториските тестови во примероците открија присуство на хемиското соединение Родамин-Б. Хемикалијата дава флуоресцентна розова нијанса и се користи за боење текстил и козметика.

Истражувањата покажаа дека оваа хемикалија може да го зголеми ризикот од рак, а Европа и Калифорнија ја забранија употребата како боја за храна.

Додека ја забрануваше шеќерната волна во Тамил Наду, министерот за здравство Ма Субраманијан рече дека употребата на Родамин-Б во продажба и сервирање храна ќе биде казнива според Законот за безбедност на храната.

Фото:Freepik.com
Извор: Dnevnik.hr