ТикТок предизвик во кој учествуваат многу девојки ни го привлече вниманието: Од него може да се научи нешто многу корисно (ВИДЕО)

Го сакаме затоа што не потсетува дека сме убави и без шминка и без филтери...

ТикТок е платформа на која се појавија многу предизвици, од кои многу беа опасни по живот. Но, еден во морето разни предизвици е и т.н. „catfish challenge“, за кој би можеле да кажеме дека и корисен за менталното здравје.

Имено, во овој предизвик девојките ги споредуваат своите совршени селфиња со тоа како изгледаат во реалноста.

@angthestallion oops #greenscreen #catfish #fyp #parati #xyzbca #xyzcba #foryou #foryourpage #catfishcheck #catfishchallenge I cannot believe this blew up - moldoga

„Catfishing“ е поим кој означува личност која на социјалните мрежи се преправа дека е некој друг. Често пати ѕвездите, инфлуенсерите и обичните луѓе ги провлекуваат своите фотографии низ разни филтери, пред да ги споделат на Инстаграм, ТикТок или Фејсбук, па така често создаваат притисок дека мораме да изгледаме совршено.

Па нели понекогаш е фрустрирачки да се отворат социјалните мрежи и таму да се видат сите оние девојки со совршен тен и секогаш совршена фризура, поради што може да ни се намали самодовербата.

Поради тоа, „catfish challenge“ е нешто што ни ја доловува разликата помеѓу она што се пласира на социјалните мрежи и она што е реалност. Овој хаштаг на ТикТок има повеќе 685 милиони прегледи, а се појави пред 3 години и од тогаш девојките самоуверено учествуваат во предизвикот.

И што научивме од овој предизвик?

Дека девојките се убави и без шминка и без филтери. За жал, на социјалните мрежи се пробива одреден стандард за убавија, кој не тера да мислиме дека не сме доволно убави ако не се вклопиме во него.