Тој ја сака како што биолошкиот татко никогаш не ја сакаше: Се откажал од неа штом се родила, а таа со години читала ужасни работи за себе
ЈА САКА КАКО БИОЛОШКИОТ ТАТКО НИКОГАШ:
Пејачот Сил ја одгледа најстарата ќерка на Хајди Клум, Лени Клум, како да е негова, откако биолошкиот татко Флавио Бријаторе не ја сакаше во својот живот.
Иако многумина се уште жалат за златното доба на манекенството кога Линда Евангелиста, Наоми Кембел, клаудија Шифер, Синди Крафорд, Кристи Тарлингтон, Татјана Патиц и други убавици чекореа по модните писти, времињата многу се сменија, а денес најпознати модни фаци се ќерките на поранешните ѕвезди. .
Меѓу нив, моментално меѓу најпознатите е 18-годишната Лени Клум, ќерката на супермоделот Хајди Клум, која неодамна тргна по стапките на својата мајка.
Почнала да носи модели на модни ревии, да се појавува на насловни страници на списанија, да прави разни кампањи... Инаку, првата понуда во светот на манекенството Лени ја добила кога имала само 12 години, а иако Хајди тоа го криела вод очите на јавноста за да и обезбеди безгрижно детство, сега дојде нејзиното време.
„Беше само прашање на време кога ќе се обидам да станам модел. Првата понуда ми дојде кога имав само 12 години. Потоа ја молев мајка ми да ми дозволи, но немаше начин. Сега разбирам дека беше прерано. Во повеќето други работи, би морала да ја потиснам мојата луда енергија за да оставам професионален впечаток. Како модел, можам да се откажам од сè и да бидам тоа што сум“, изјави еднаш Лени.
Низ годините многу се пишуваше за врската на Лени со нејзиниот биолошки татко Флавио Бријаторе.
Имено, по првиот брак со Рик Пипин, Хајди влегла во љубовното гнездо со италијанскиот бизнисмен и поранешен шеф на Формула 1, 23 години постар од неа, а романсата ја потврдила во март 2003 година. Лени е родена во октомври, но парот раскина пред нејзиното раѓање.
Оној кој ја замени татковската улога на Флавио беше пејачот Сил кој беше со манекенката кога таа ја роди Лени која подоцна ја посвои и ја одгледа како своја. Пејачот и манекенката се венчаа во 2005 година во Мексико.
„А Хајди и јас сакавме таа да го има истото презиме како и другите. Не сакав таа да се чувствува поинаку бидејќи знам како е да се има очув. Не сакав таква динамика за моето девојче“, рече еднаш Сил за Лени.
Токму сега беа фотографирани заедно на УС Опен во Њујорк, а пред камерите не криеја дека меѓу нив постои неверојатна љубов и поврзаност.
И додека Лени има прекрасен однос со Сил, вистинскиот биолошки татко речиси и да не постои. „Лени е мојата биолошка ќерка, но тројцата се согласивме дека е најдобро Сил да ја посвои. Детето треба да расте во семејство“, изјави Флавио за италијанскиот весник „Кориере дела сера“ во 2016 година.
Сепак, многумина беа изненадени од неговата изјава откако го доби синот Нејтан со 30 години помлада манекенка. „Лени е дел од семејството на Сил, Нејтан е дел од моето“, како да се откажал од сопствената ќерка. Токму поради тоа ќерката на Хајд никогаш немала нормални односи со него, а Сил и е вистински татко од првиот ден. Она што е најлошо од се, некои медиуми пишуваа дека Лени го запознала биолошкиот татко дури кога имала 14 години.