Три последователни финалиња и две ЗЛАТА за „златната генерација“ на ФК ФОРЦА

Фудбалската школа ФК Форца – ШАМПИОНИ НА МАКЕДОНИЈА со две генерации!

Изминатиов викенд на терените на тренинг-центарот на ФФМ се одиграа натпреварите од финалниот турнир од ФФМ Детска лига за сезоната 2023/ 24.

Во учество на 96 екипи-регионални победници и повеќе од 1.500 фудбалери од 7 до 13 години, беа одиграни 96 натпревари по што се познати шампионите во шесте натпреварувачки категории.

ШАМПИОНИ ЗА СЕЗОНА 2023/24:

2011 – шампион ФК Македонија ЃП; вицешамиони ФК Парк

2012 – шампион ФК Милано; вицешамиони ФК Скупи

2013 – шампион ФК Шкупи; вицешамиони АП Брера

2014 – шампион ФК Форца; вицешамиони ФК Бутел 2017

2015 – шампиони ФК Фер Плеј; вицешамиони ФК Кул

2016 – шампиони ФК Форца; вицешамиони ФК Партизан

Фудбалската школа ФК Форца – станаа ШАМПИОНИ НА МАКЕДОНИЈА со две генерации. Генерацијата 2016-та во финалето со резултат од 4:0 ја совлада екипата на ФК Партизан, а генерацијата 2014-та во финалето ја победи екипата на ФК Бутел со резултат од 3:0.

Патем, треба да се истакне дека генерацијата 2014-та го игра своето трето финале по ред 2022/2023/2024, а од трите финалиња успееа да освојат две злата и едно сребро, и со тоа влегоа во аналите на детските лиги организирани од ФФМ како екипа, која последователно играла три финалиња.

Индивидуалните признанија од завршниот турнир ги понесоа:

Категорија	Најдобар стрелец на завршен турнир	Најдобар голман на завршен турнир
2011	Јован Јанчев (Македонија ЃП)	Михаил Јовановски  (Македонија ЃП)
2012	Душан Петров (Кожуф)	Дашман Селами (Милано)
2013	Емир Османи / Еди Таири (Шкупи)	Аљкам Јашари (Шкупи)
2014	Марко Бојков (Тиквеш 1930)	Дамјан Станчевски (Форца)
2015	Стефан Стојановски (Кул)	Јустин Устијановски (Фер Плеј)
2016	Драган Галевски (Форца)	Матеј Стојковски (Форца)

Уште еден голем успех за нашиот клуб. Горди и среќни сме што успеавме да го освоиме златниот меда и првото место на државното првенство со генерациите 2016 и 2014-та во конкуренција од повече од 100 екипи на ниво на цела држава. Успеавме и со уште две генерации (2015 и 2012) да бидеме во најдобрите 8 екипи кои за жал по нерешените резултати испаднаа на пенали.

Честитки до нашите дечиња за прикажаната игра нивната борбеност, упорност и дисциплина. Овој успех ни претставува мотив да продолжиме со нашата работа. За крај благодарност до сите кои дале придонес за овој успех“– ни изјави тренерот и сопственик на клубот Јорданчо Џипунов.

Фото: ФК Форца