Едноставни, малку ретро и многу удобни: Балетанки кои ги обожаваат познатите дами и може да се носат во вашите 20-ти и 60-ти
Ако повеќе преферирате рамни чевли од високи потпетици, пролетта е идеален период за балетанки, а овој модел е голем тренд!
Кога сакаме на нашиот аутфит да додадеме еден „statement“ пар чевли, а во исто време сакаме да ни биде удобно, тогаш дефинитивно избираме балетанки!
Балетанките секоја пролет се омилени обувки на многу жени од сите возрасти и модни преференции, бидејќи се доволно елегантни за да се носат со панталони, здолништа или фустани, а исто така се практични, удобни и лесни за ставање. Не е ни чудо што никогаш не излегоа од мода, ги носеше и Одри Хепберн, а и до ден денес работите не се многу променети.
Тие ќе бидат меѓу главните трендови во пролетта 2024 година, а има модели кои привлекуваат повеќе внимание од другите и имаат заеднички ретро момент.
Меѓу познатите дами во светот на модата за кои се смета дека имаат исклучителен моден вкус секако е и актерката Дакота Џонсон, која пред неколку дена донесе модел на балетанки кои го воодушевија модниот свет, а се толку ретро, едноставни, и прилагодливи.
И најдобро од сè, можете да ги носите ако имате 20, 30, 40, 50, 60...
Дакота се прошета во црвени балетанки во Рим, а станува збор за модел кој се врати во полн сјај, со оглед на тоа дека сега е време за активирање на старите трендови.
Овие балетанки не само што беа во светла нијанса што веднаш привлекува внимание, тие се лакирана кожа, со вкрстени ремчиња и потпишани од бренд што славните го обожаваат.
Со кариран капут, црни панталони и бел горен дел, овој стајлинг е доволно неутрален, но на шик ниво, во што секако помогнаа балетанките кои разбиваат секаква монотонија.
Извор: glossy.rs