Ја обожаваат Хејли Бибер, Викторија Бекам и Ријана: Оваа чанта на Милена Радуловиќ е сон на секоја трендсетерка
Српската актерка е позната по својот трендовски стил, а сега донесе и модел на чанта која со години е опсесија на инфлуенсерите
Како и обично, секој стајлинг на Милена е модна инспирација, а за прошетка низ град избрала лесен капут во комбинација со хит чанта, која со години е една од најпопуларните меѓу светските трендсетерки.
Станува збор за практичен модел од модната куќа „Bottega Veneta“, која се произведува во повеќе бои, а Милена се одлучи за класична црна чанта.
Чантата „Cassette“ е помала по димензии, но многу пространа и погодна за сите потреби во текот на денот, има правоаголна форма и е украсена со посебна техника „intrecciato“, препознатлива за овој бренд.
Станува збор за автентичната техника на плетење кожени ленти, која се среќава на култните модели на оваа куќа, а Милена се одлучи за плишан модел.
Направена од телешка напа кожа, ова е висококвалитетна чанта која чини дури 4.500 долари, а е еден од моделите „it“ со кои не можете да погрешите.
Овој модел имавме можност да го видиме на многу познати девојки како Ријана, Рози Хантингтон-Вајтли и Викторија Бекам, а најчесто го носи манекенката Хејли Бибер.
Извор: glossy.rsМожеби ќе ве интересира: