Тие не насетувале што се случува: Мачка спасила семејство од опасност

Мачка спасила семејство од опасност во куќата, која не можеле да ја насетат

Мачката по име Тор го предупредила своето семејство дека постои опасност по нивните животи во нивниот дом – гас јаглерод моноксид. Овој крзнен ангел им ги спасил животите!

Хајди Стампер живее во Мичиген со сопругот и двете деца. Неодамна таа спиела во својот дом кога се разбудила од звукот на нејзината мачка.

- Околу 1:45 часот по полноќ, мачката почна гласно да мјаука и ме разбуди, изјави Хајди.

Нејзината мачка по име Тор не се чувствувала добро, па ја изнела надвор на свеж воздух. Откако се чинело дека е подобро, Хајди ја вратила мачката внатре и заспала. Но, таа сè уште не знаела за опасноста во нивниот дом.

Половина час подоцна, мачката повторно почнала гласно да мјаука, изјави Хајди.

- И тоа ме разбуди, но овој пат се препотував низ целата моја облека, не можев да се движам, навистина ми се гади во стомакот.

Херојот Тор го спасува своето семејство

Хајди ги чувствуваше ефектите од труење со јаглерод моноксид. Како и нејзиниот сопруг и двете деца кои исто така биле во куќата во тој момент.

Ова беше резултат на тоа што нивниот дом губеше напојување и семејството користеше пренослив генератор во нивната гаража. Во куќата немале ниту детектор за јаглерод моноксид. Но фала на Бога тие имаа мачка по име Тор.

Малечките ги разбудило мјаукањето на мачката, а кога дознале дека нивната мајка не може да се движи, се јавиле на 911.

- Тор одигра клучна улога во спасувањето на четиричленото семејство, рече шефот на противпожарната служба Џон Унру. – Сите четворица имаа тешки ефекти од труење со јаглерод моноксид.

- Само помислата дека нема да бидам тука за да ги видам моите деца, знаете, навистина е страшно, рекла Хајди, бришејки ги солзите.

- Да не беше Тор, ние немаше да бидеме тука. Тој ни ги спаси животите.