Запознајте го Мустафа Ахмед: Живее во Македонија, дегустира и оценува македонска храна, а сето тоа го документира на ТикТок

Запознајте го Мустафа Ахмед: Живее во Македонија, дегустира и оценува македонска храна, а сето тоа го документира на ТикТок

Објавена во: YouTube ѕвезди, YouTube видеа

Мустафа Ахмед е момчето кое ни го привлече вниманието деновиве, и ни ги исполни срцата со милина.
Го забележавме на ТикТок, каде што е многу популарен, но популарен е и на Инстаграм, а дознавме дека има и Јутјуб канал. Досега има посетено 32 земји, ја напуштил работата за да патува низ земјите од Балканот, и на крајот од март, годинава, одлучил да живее три месеци во Македонија, Скопје.

Но, по се изгледа дека тие три месеци се продолжиле на половина година, бидејќи до пред некоја недела Мустафа објавуваше фотки од неговите авантури низ нашава земја, а моментално е на одмор во Албанија, па не знаеме кој е неговиот план и негова следна дестинација, и дали повторно ќе се врати во Скопје.

Интересно е што на ТикТок профилот на Мустафа пишува: #1 Black Macedonian Entertainer, а неговиот профил е исполнет со интересни факти за Македонија, и, пред се', вкусна македонска храна.

Неговите следбеници му предлагаат што следно да испроба од нашата традиционална македонска кујна, а тој одговара на нивните желби и тоа го документира во интересни видеа, каде покажува дека е фасциниран од нашата храна и пијалоци, но не крие дека некои работи за него се чудни.

Секоја чест за Мустафа кој за периодот поминат овде, научил по малку да го зборува и македонскиот јазик. Бил на повеќе места низ државава, а неодамна го посетил и Охрид. Подолу погледнете и некои од неговите видеа за Македонија кои ќе ве воодушеват и насмеат:


*Р.Х


 

Објавена во: YouTube ѕвезди, YouTube видеа

Можеби ќе ве интересира: