107-годишни Јапонки се официјално најстарите идентични близначки во светот: Го соборија Гинисовиот рекорд

фото:guinnessworldrecords.com

Двете 107- годишни Јапонки влегоа во Гинисовата книга на рекорди како најстарите живи идентични близначки во светот.

Умено Сумиама и Куме Кодама, го соборија рекордот поставен од починатите јапонски сестри близначки Кин Нарита и Џин Кани

Умено и Куме, се опишани како друштвени жени и се родени на 5 ноември 1913 година, на островот Шодошима, Јапонија.

На денот на почитувањето на старите лица, национален празник во Јапонија, близначките официјално станаа рекордери.

Поради моменталната ситуација со пандемијата на коронавирусот, и како мерка на претпазливост, на сестрите, кои живеат во различни делови на Јапонија, им беа испратени официјални потврди.

Имињата на претходните рекордери на јапонски значеа сребро и злато

Претходните рекордери Кин и Џин ја држеа титулата најстари идентични близнаци на 107 години и 175 дена, до смртта на Кин во јануари 2000 година, додека нејзината близначка Џин почина следната година, на возраст од 108 години.

Семејството на Умено и Куме рекоа дека двете сестри се шегуваат за возраст. тие имаат 107 години и 300 дена.

Умено има четири деца, а Куме има три деца. Сестрите живеат во различни старечки домови.

Во Јапонија, очекуваниот животен век е најдолг во светот, а постарите луѓе уживаат значителна почит.

Според Гинисовите записи, најстарата жива личност е 118-годишниот Јапонец Кане Танака.

извор:telegraf