Близначки биле одземени од мајката при нивното раѓање: Ги продале на црниот пазар, па се запознале после 22 години, а живееле во ист град

Во впечатливите снимки од нивното обединување, близнацчките, кои сега се во раните 20-ти, паднале во прегратките на нивната мајка, која плачела во нивната прва прегратка откако се родиле.

Ејми и Ано, родени во 2002 година, биле продадени на црниот пазар откако нивната мајка паднала во кома. Во времето кога и ја кажале страшната лага дека нејзините бебиња починале при породување, тие биле продадени на две различни семејства.

Меѓутоа, откако се препознале на видеа, тогашните тинејџерки конечно биле обединети, пред се благодарение на истрагата која работи на поврзување на изгубените семејства.

Истрагата открила дека илјадници семејства во Грузија ја добиле катастрофалната вест дека нивните бебиња умреле при раѓање повеќе од три децении.

Откако во 2021 година пронашла неточни детали за сопствениот извод од матична книга на родените, Мусериџе формирала група на Фејсбук и тргнала во потрега да го пронајде нејзиното вистинско семејство.

Врз основа на бројот на луѓе кои ја контактирале оттогаш, заедно со бројот на случаи низ земјата, Мусериџе проценува дека десетици илјади бебиња биле земени од нивните биолошки родители.

@metrouk This is the heartwarming moment two twins separated at birth were reunited with their biological mother Amy and Ano were both stolen from a hospital in the Eastern European country of Georgia just days after their birth in 2002 after their mum, Aza, fell into a coma. The identical twins were then sold to new families, remaining separated for more than 22 years before miraculously recognising one another in social media videos. #fyp #reunion #separation #separated #separatedatbirth #longlostfamily #longlostsiblings #longlosttwin #emotional #childbirth #lost #family #twins #georgia #georgiatwins #fyp #tok #news original sound - MetroUK

Системско киднапирање на деца
Зборувајќи за Светскиот сервис на Би-Би-Си, таа рече дека верува дека црниот пазар, кој функционирал од раните 1970-ти до 2006 година, „бил системски“.

Двајца членови на семејството кои нејзините напори помогнаа да се обединат беа Ано и Ејми, близначки кои речиси 20 години немале поим дека се родени заедно во 2002 година.

Ејми рече дека имала чувство дека има сестра близначка кога имала 12 години. Тогаш нејзините пријатели ѝ кажале дека виделе девојка која изгледа како неа како танцува на „Грузија има талент“. Подоцна дознала дека тоа е Ано.

Меѓутоа, кога таа потоа го прашала своето семејство за тоа, тие го отфрлиле. „Секој има двојник“, и рекла мајка ѝ.

Но, нивната приказна не завршува тука.

Повторно заедно
Седум години подоцна, во ноември 2021 година, Ејми објавила видео од себе на Тик ток, со руса коса и пирсинг на веѓите. Ано ја забележала сличноста и се зачудила кога видела девојка која личела на неа.

И покрај тоа што живеат 200 милји оддалечени во Грузија, социјалните мрежи им дозволија да се поврзат. Почнаа да разговараат на Фејсбук и на крајот се сретнаа лично.

Додека нивните изводи од матичната книга на родените пишуваа дека се родени во истата болница, породилиштето „Киртски“, во документите било напишано дека една од нив е родена неколку недели подоцна. Откако се сретнале лице в лице, станало јасно дека тие се идентични близнаци.

„Тоа беше како да се гледам во огледало, истото лице, точно истиот глас. Јас сум таа и таа сум јас“, рекла Ејми.

@dailymail Incredible moment Georgian twins are reunited with their birth mother 22 years after they were stolen from hospital and sold on black market to separate families: The identical women found each other as teens after one saw the other on TV talent show. #fyp #reunion #emotional #childbirth #lost #family #mother #georgia #twins ♬ snowfall - Øneheart & reidenshi

Неверојатни сличности
Сестрите брзо откриле дека и тие имаат многу сличности. И двете сакале иста музика, сакале да танцуваат и имаат иста фризура.

Сепак, сличностите се проширија и надвор од површното, бидејќи тие исто така открија дека го имаат истото генетско нарушување на коските наречено дисплазија.

Тие рекоа дека се чувствувале како заедно да решаваат мистерија.

„Секогаш кога дознавав нешто ново за Ано, работите стануваа почудни“, рекла Ејми.

Помеѓу возбудата од пронаоѓањето, имало и гнев.

Како можеа да го дозволат тоа?

Ејми рече дека се чувствува како нејзиниот живот да бил лага, додека Ано рече дека е „лута на нејзиното семејство, но сакала само да завршат тешките разговори за сите да продолжат понатаму“. „Тоа е луда приказна“, додала Ејми, „но тоа е вистина“.

Решиле да се соочат со своите семејства и конечно ја дознале вистината.

Не можејќи да имаат деца, пријателите и кажале на мајките на Ејми и Ано дека во локалната болница има несакани бебиња. Ако им платиле на лекарите, би можеле да посвојат едно од овие бебиња, да ги однесат дома и да ги одгледуваат како свои.

Ниту едно од посвоените семејства не знаело дека девојчињата се близначки, велат тие, и тврделе дека не знаеле дека оваа практика е нелегална.

Во тоа време, Грузија минувала низ период на превирања, а мајките рекоа дека веруваат дека процесот на посвојување е легитимен бидејќи лекарите биле вклучени.

И двете повторно во прегратка на нивната мајка

Конечно, по повеќе од две децении, Ејми и Ано повторно се соединија со нивната родена мајка Аза. Емотивниот момент бил споделен на Тик ток.

Аза им објаснила на своите ќерки дека и се слошило по породувањето и паднала во кома. Кога се разбудила, вработените во болницата и кажале дека нејзините бебиња починале.

Мајката рече дека средбата со нејзините одамна изгубени ќерки и дала нова смисла на животот и дека тие се уште се во контакт.

Во 2006 година, Грузија ги промени своите закони за да ја спречи трговијата со луѓе, што го отежна нелегалното посвојување, а во 2022 година владата започна истрага за историска трговија со деца.

Фото: Принтскрин/Тик ток
Извор: Kurir.rs