Дедото им оставил само 60 евра на внуците, а имал половина милион: Го направил тоа затоа што не го посетиле, а тие сега го тужат

Тој им кажал на своите адвокати дека е вознемирен што не бил посетен откако три пати бил хоспитализиран поради проблеми со белите дробови

Разочараниот дедо кој бил вознемирен што внуците не го посетуваат често, имал право да им остави само по 60 евра во тестаментот, пресудил судијата.

Фредерик Вард постариот предизвика семејна расправија по неговата смрт во 2020-та година, кога речиси целото свое богатство од 580.000 евра, вклучително и стан од 525.000 евра, го остави само на својата ќерка и син.

Тој во тестаментот се одрекол од петте ќерки на својот покоен син Фред Џуниор и им рекол на своите адвокати дека е вознемирен што не го посетиле откако трипати бил хоспитализиран поради проблеми со белите дробови.

Откако дознале дека се речиси нема да добијат наследство, петте внуци на Фред - Керол Говинг, Анџела Сент Марсеј, Аманда Хигинботам, Кристин Вард и Џенет Пет - го тужеле и тврделе дека имаат право на една третина од парите на нивниот покоен дедо.

Судијата на Високиот суд Џејмс Брајтвел сега одлучи дека тестаментот од 2018-та година бил „целосно рационален“, додавајќи дека внуките имале „многу ограничен контакт“ со нивниот „разочаран дедо“.

Судијата ја отфрли нивната тужба.

Сестрите тврдеа дека тестаментот од 2018-та година бил „неважечки“ и дека нивниот вујко Тери Ворд и тетката Сузан Вилтшир „неправилно влијаеле“ на нивниот дедо да го промени тестаментот.

Сепак, судијата рече дека не е убеден од доказите дека Тери го „принудил“ неговиот татко или дека Сузан го „контролирала“ на начин што фрла сомнеж во неговата волја.

Фредерик претходно направи тестамент во кој го подели своето богатство на своите три деца.

Сепак, Фред Џуниор починал пред својот татко во 2015-та година, по што семејството се скарало, а дедото не ги гледал многу своите деца.

Кога Тери го прочита тестаментот на неговиот татко по неговата смрт, имаше огромен спор - кој беше снимен и игран на суд - кога беше откриено дека петте сестри се скоро исклучени.

Вујкото Тери на секој од нив им предал плик во кој имало по 60 евра во кеш, пишува „Daily Mail“.

Судијата Брајтвел рече дека сестрите не го посетиле нивниот дедо во болница бидејќи не биле информирани дека е таму, но тоа било поради тоа колку често бил во болница и „бидејќи контактот меѓу страните во секој случај престанал“.

Сестрите правеле само „многу повремени кратки посети“ за да го видат нивниот дедо, додека тој бил близок со својот син Тери и ќерката Сузан.

Извор: Telegraf.rs