Го испровоцира Канје Вест, па исчезна: Пит Дејвидсон го избриша Инстаграм профилот

Пит Дејвидсон го избриша својот Инстаграм откако го испровоцира поранешниот сопруг на својата девојка Ким Кардашијан, Канје Вест. Ова се случи една недела откако ги изнеади обожавателите со своето враќање на платформата по 4-годишната пауза, која ѕвездата претходно ја напушти за да го заштити своето ментално здравје. Од средата попладне, кога обожавателите сакале да влезат на неговиот профил, на екранот им се појавувало известувањето „жал ни е, оваа страница не е достапна“.

Пред да го избрише својот профил, комичарот објави едно видео од филмот „The King of Comedy“. Во таа сцена Роберт Де Ниро вели: „Подобро да бидеш крал на една вечер отколку глупак цел живот“. Многумина веруваат дека ова суптилно му го упатил на Канје, кој безброј пати јавно го прозива на социјалните мрежи.

Канје исто така ветува дека Пит никогаш нема да ги запознае децата кои ги дели со поранешната сопруга Ким, и покрај фактот дека комичарот од октомври е во врска со ријалити ѕвездата. Во уште еден шокантен напад, раперот ги изнесе сите целосно неосновани гласини дека Пит некогаш се занимавал со порнографија како одмазда, споделувајќи интимни фотографии од него и неговата поранешна свршеница Ариана Гранде, кои ги испраќал на починатиот рапер Мек Милер.