Кејт Мидлтон во медијаторска мисија: Ќе ги смирува скараните принцови

Во центарот на вниманието во британските медиуми повторно е кралското семејство. Овој пат главната улога ја има војвотката од Кембриџ, Кејт Мидлтон. Имено, медиумите пишуваат дека таа преземала иницијатива за да ги смири браќата, Вилијам и Хари.

„Мидлтон сака по секоја цена да ги поправи односите меѓу браќата кои се нарушија по венчавката на Хари и Меган“ - истакнува извор близок до кралското семејство.

Кејт далеку од очите на јавноста, започнала да организира разни собири на кои биле поканети само блиски членови на кралското семејство.

„Во оваа улога која ја имаме и која носи голем притисок некои работи не можете да ги избегнете. Но, пред сѐ ние сме браќа. Секогаш ќе бидеме браќа. Во моментов се наоѓаме на различни патишта, но секогаш ќе бидам тука за него и тој за мене. Не се гледаме често како претходно, но едноставно имаме премногу работа. Јас го сакам и поголемите проблеми кои се читаа по медиумите, се лажни. Како и сите браќа и ние имаме добри и лоши денови“ - претходно имаше изјавено Хари.