Малкумина го знаат ова: Мирослав Алексиќ ја снимал и режирал свадбата на Цеца и Аркан

Во тоа време Алексиќ бил најнаградуван режисер кој со пет подвижни камери ја снимал свадбата на векот...

Актерката Милена Радуловиќ го пријави професорот по глума Мирослав Мика Алексиќ во полиција за силување и сексуално вознемирување, што не се случило само еднаш, туку неколку пати. Оваа вест ја привлече јавноста, а она што малкумина го знаат е дека Мика Алексиќ ја снимаше „венчавката на векот“ - Светлана Цеца Ражнатовиќ и Жеjко Ражнатовиќ Аркан.

Цеца и Аркан се сретнаа на 11 октомври 1993 година, на одбележувањето на Денот на српската доброволна гарда во Ердут. Цеца му го привлече вниманието на командантот, која го маѓепса со својата харизма и убавина.

За нивната љубов се зборуваше нашироко, а Цеца и Аркан решија да ја крунисаат својата љубов на 19 февруари 1995 година, кога пред многу пријатели и колеги кажаа судбоносно „да“.

Она што е помалку познато во јавноста е дека снимањето на венчавката го организираше режисерот Мирослав Алексиќ, пишува Курир.

Алексиќ го снимаше целиот тек на венчавката со пет подвижни камери, а младенците вкупно имаа околу 30 часа снимен материјал, од кој подоцна беше направена 90 - минутна касета.