„Ми се гушкаат некои луѓе кои се премногу далеку“: Сестрата на Дарко Илиевски со емотивна порака за пејачот (ФОТО)

Македонскиот пејач Дарко Илиевски со години живее и работи во Америка, на Флорида. Тој откако се ожени, го напушти светот на музиката и замина далеку од дома за подобар живот.

Заедно со неговата сопруга Ивана го добија синот Матео, а пејачот често споделува приватни фотографии од неговото семејство со своите следбеници.

Иако живее речиси идиличен живот, тоа што е далеку од семејството во Македонија е премногу тешко за сите. Видео комуникацијата не може да ја надомести ниту една прегратка и бакнеж со најблиските.

Па токму затоа неговата сестра Јованка, му испрати порака на Инстаграм и му даде до знаење на пејачот дека и недостасува неговата близина, како и онаа на снаата и внукот.

„Ми се гушкаат некои луѓе кои се предалеку“, пишува во пораката.

Дарко отсекогаш бил премногу близок со своето семејство, па затоа иако се далеку, ја користат секоја можна прилика да бидат заедно.

Фото:Instagram/facebook