Милијардер го сподели советот што ѝ го дал на својата ќерка: Психолозите велат дека тоа е паметна лекција

Милијардерот и сопственикот на Далас Маверикс Марк Кубан мораше да ја увери својата најстара ќерка Алексис кога таа како втора студентка на Универзитетот Вандербилт призна дека „не е сигурна“ каква кариера ќе избере.

„Сите поминуваат низ тој процес кога се обидуваат да сфатат кои се. И реков на ќерка ми дека не мора да знае која ќе биде бидејќи сè се менува. „И ти се менуваш, и развивав“, ѝ објаснив“, изјави Кубан за GQ.

Кубан е свесен дека многу тинејџери и студенти не се сигурни за нивниот избор на кариера. Тоа за него е во ред, се додека децата работат напорно за да ги одржат своите опции отворени и да научат нови вештини.

„Најважно е да сте љубопитни. Само така ќе успеете на крајот“, додаде тој.

Патот на Кубан до успехот не беше лесен

Можеби децата на милијардерите треба помалку да се грижат од просечниот тинејџер, но Кубан неодамна изјави дека тој и неговата сопруга Тифани цврсто им кажуваат на своите деца дека мора да се стремат кон сопствениот успех во животот.

Кубан може да се поврзе со тоа затоа што поминал низ многу неизвесност во младоста. Години пред да ја основа својата прва успешна компанија, тој поминал неколку години по факултетот спиејќи на подот од станот што го делел со пет пријатели откако бил отпуштен од три работни места.

Психолозите често ги советуваат родителите да избегнуваат да вршат преголем притисок врз тинејџерите и учениците за нивната иднина. Многу млади луѓе веќе се загрижени за запишување на факултет, избор на насока или кариера. Експертите затоа ги повикуваат родителите да ги потсетат своите деца дека постојат различни патишта до успехот и дека пронаоѓањето на идеалниот пат може да потрае.