Младата Драгана Јовановска сними нова песна: „Публиката го има последниот збор, се надевам ќе и се допадне „Гламур“ (ВИДЕО)

Младата пејачка Драгана Јовановска ја промовираше најновата песна „Гламур“ на сите социјални мрежи и музички платформи.

Судејќи според коментарите песната Драгара ги поседува сите предиспозиции да биде летен хит. 

Како и за претходната песна, така и за оваа, Јовановска соработуваше со познатиот композитор Иле Спасев, кој се погрижи за музиката и аранжманот, додека пак текстот го напиша Јоцифер. 

Драгана со својот тим од соработници и за оваа нова песна сними интересен спот. 

За претходното видео Драгана отпатува на Малдивите, овојпат таа се реши да не патува и спотот да го сними во нашата земја. 

Повторно соработуваше со момците од „Урбан Рекордс“, на чело со Гордан Божиновски.

 „Јас сум презадоволна од целиот проект. Со композиторот Иле се разбираме со поглед што се вели и речиси да немаме несогласувања во студио. Што се однесува до спотот, мислам дека ја доловивме и суштината на текстот. Сума сумарум, јас сум презадоволна. Сега најважно ми е песната да допре до публиката и таа да го донесе својот суд, односно дали сме го погодиле вкусот или пак можеби не“ - вели младата Драгана.

Со оглед на нејзината младост, ентузијазам, Драгана ќе продолжи како и досега, бидејќи допрва доаѓа нејзиното време и допрва ќе се изнаслушаме нејзини песни...