На социјалните мрежи се шири необичен тренд: Еве објаснување зошто луѓето јадат портокали под туш (ВИДЕО)

Наводно станува збор за „искуство кое ќе ви донесе чиста радост“...

Можеби скролајќи на ТикТок сте налетале на луѓе кои јадат портокал под туш и ништо не ви било јасно.

Навистина, зошто некој се тушира и истовремено јаде портокал? Па очигледно има нешто во тоа, бидејќи хаштагот #showerorange на ТикТок моментално има 8 милиони прегледи, но и на „Reddit“ се разви цела дебата на оваа тема.

Една корисничка на Тикток во својата објава објанси дека „јадењето портокал е најослободувачкиот чин на консумирање храна и дека тоа ви носи чиста незауздана радост“.

@nataliepopow I’m trying this right now #fyp #showerorange Cobra Starship – You Make Me Feel - laura!

Бидејќи поголемиот дел од нас се тушираат со топла вода, наводно истата го зајакнува мирисот на цитрусното овошје, го крева расположението и го намалува стресот и тегобиите.

Друга ТикТокерка кажа дека сака портокали, но не и нивната тврда кора, лупење и валкање на рацето. Под туш едноставно го гризе портоколат, а без никаква грижа дека ќе се извалка со сокот од овошјето.

@makenzyksmith the orange in the shower phenomenon is actually so legit. #showerorange original sound - Makenzy Smith

„Не можам да ви го објаснам тоа. Едноставно мора да пробате“ - кажа Макензи Смит, гарантирајќи дека туширањето со портокал е сосема поинакво искуство.

Не знаеме, можеби би можеле да купите гел за туширање со цитрусен мирис, но тоа не би ви донело толку лајкови и коментари на ТикТок.

Во секој случај, секогаш е добро да се изеде некое овошје, па макар тоа да е портокал под туш.

фото: Принтскрин / ТикТок