Песна наместо торта: Александра Јанева 25 - ката ја одбележа со роденденски кавер

Вчерашниот ден целото внимание беше насочено кон неа. Имено, пејачката Александра Јанева вчера го прослави денот на своето раѓање. Иако карантинот ја спречи да организира роденденска забава и да ги дувне 25 - те свеќички на тортата, таа пронајде начин како да одбележи овој ден.

Наместо да прима подароци, таа одлучи да ги почести своите обожаватели и пријатели со песна. Ја отпеа дуетската песна на Џастин Бибер и Ариана Гранде „Stuck With U“, а со оглед на нејзините вокални квалитети, Бибер воопшто не и беше потребен.

„Годинава песна наместо торта. Мирна, среќна и распеана 25-ка дома. Благодарам на сите!“ - напиша пејачката покрај видеотo.