Пристигнува нова социјална мрежа: Се вика „Lemon8“ - еве што треба да знаеш за неа (ВИДЕО)

Засега уште не е достапна во целиот свет...

Покрај сите постоечки социјални мрежи, наскоро времето ќе може да почнете да го губите и на една нова. „Lemon8“ е најавена, веќе е достапна во некои земји, но сè уште не е популарна. Еве што сè треба да знаете за неа, секако пред да стане популарна.

Веројатно не ни треба друга социјална мрежа, но со оглед на тоа што ваквите апликации се многу популарни, не е ни чудо што сега се појави уште една. Се вика „Lemon8“, а засега е достапна само во некои земји низ светот. Само што е лансирана и прашање на време е кога ќе биде достапна во остатокот од Европа и светот. Оваа апликација е најслична на Инстаграм. Создадена е од компанијата која е сопственик на ТикТок, ByteDance. На „Lemon8“ може да се споделуваат фотографии и видеа, а некои тоа го опишаа како комбинација на Инстаграм и Pinterest.

Нема скролање како на ТикТок, а содржината е создадена за некоја од категориите кои се во трендинг, кои во моментов се мода, убавина, храна, здравје и патување. Дали тие и понатаму ќе останат главни категории за кои овде ќе се создаваат содржини или тоа ќе се промени, не се знае. Како што почна да се зборува, многумина ја симнаа во своите уреди, а според коментарите на социјалните мрежи изгледа дека им се допаѓа.

@socialhit_  Tiktok launches Lemon8 App Have you tried it? #lemon8 #tiktokmarketing #tiktoknews #tiktokmarketingagency #appreview original sound - Social Hit

Изгледа дека оваа апликација има поголем акцент на естетиката, за разлика од другите социјални мрежи и во тој поглед, всушност е слична на Pinterest. Познатите инфлуенсери уште не се префрлиле на оваа апликација и не зборуваат многу за неа, веројатно чекаат да видат дали вреди да се биде таму или не. Како изгледа, покажа една инфлуенсерка која ја симна и која е воодушевена од оваа социјална мрежа.

@melbellles this is so cool.. definitely check it out  #greenscreenvideo #greenscreen #lemon8 #fashiontiktok #beautytiktok original sound - melbellles | fashion + beauty

Така најдобро ќе видиш како всушност изгледа и што се крие во неа. За разлика од другите социјални мрежи, овде луѓето додаваат свои натписи, наслови и тагови на облеката во смисла на цената или каде е нешто купено. Поради тоа изгледа како да би можела да биде корисна и има многу информации, но и е вистинско легло за раѓање на нови инфлуенсери и промовирање на производи. Како всушност ќе изгледа и дали ќе стане популарна, треба да почекаме и да видиме.

фото: freepik.com