Самохрана мајка немала пари за абортус: Денес е среќна што го задржала своето дете

Младата жена била бремена и немала финансиски средства потребни за да се грижи за себе и за бебето. Така, таа размислувала за абортус – не затоа што сакала абортус, не затоа што не го сака своето дете, туку затоа што се чинело како единственото решение за ситуацијата во која се наоѓала.

Таа била дополнително проблематична и поради тоа што има лупус.

„Кога дознав дека сум бремена, чувствата ми беа измешани бидејќи имам ќерка и таа е светлината на мојот живот, но имав толку многу здравствени проблеми со оваа бременост“, рече таа.

„Во октомври 2022 година дознав дека ми е дијагностициран лупус. Бев среќна поради бременоста, а потоа се срамев поради моите здравствени проблеми, и тоа што мајка ми не го сакаше таткото на моето дете, и тоа беа некои од главните причини зошто размислував за абортус“.

Немала средства за да абортира

Џесика размислувала да оди на абортус, што е дозволено само до 6-та недела кога ќе може да се открие отчукувањата на срцето на бебето. Но, таа немаше средства.

„Истражував и најдов место, но никогаш не се јавив бидејќи немав пари за абортус“, додала таа. „Јас и таткото на моето дете, поминувавме низ многу проблеми“

Но, кога отишла кај дедо ѝ да ги побара парите што и биле потребни за абортус, тој и дал совет за кој таа рече дека целосно и го променил мислењето.

Разговорот со нејзиниот дедо ја натерал да се премисли

„Му реков дека сум разочарана затоа што дури размислував да абортирам“, рече таа. „Дедо ме седна на работ од креветот и ми рече да не се срамам, да ја држам главата високо, немам од што да се срамам но пред да ми дозволи да размислувам за абортус, тој рече дека ќе направи се за ова дете, затоа што абортусот за него не е опција“.

„Разговорот со мојот дедо  ја промени мојата одлука“, рече таа.

„Го родив мојот син на 10 ноември … Да го видам мојот син и да го погледнам неговото мало лице, тоа беше една од најдобрите одлуки што можев да ги донесам“, изјави Џесика. „Бидејќи се чувствувам лошо што дури и размислував за абортус, секој ден му кажувам дека ми е жал што воопшто помислив на тоа“.