Samsung Electronics е прв на глобалниот пазар на OLED монитори
Компанијата опфати 34,7% од глобалниот пазар на OLED монитори за само една година од лансирањето на првиот OLED монитор...
Компанијата е лидер на вкупниот глобален пазар за гејминг монитори веќе петта година по ред врз основа на вкупните приходи
Samsung Electronics, глобален лидер во индустријата за екрани, ја обезбеди првата позиција во глобалната продажба на OLED монитори само една година по лансирањето на својот прв OLED модел на гејминг монитор - 34" Odyssey OLED G8 (модел G85SB).
Според Меѓународната корпорација за податоци (IDC), Samsung Electronics ја зазеде првата позиција на глобалниот пазар на OLED монитори опфаќајќи 34,7% од пазарниот удел врз основа на вкупниот приход, како и првата позиција за обем на продажба на OLED монитори во 2023 година со пазарен удел од 28,3%.
„Пазарот на OLED монитори е многу конкурентен, така што освојувањето на првото место бара неспоредливи иновации и квалитет на производите“, рече Хун Чунг (Hoon Chung), извршен потпретседател во одделот за визуелни екрани во Samsung Electronics. „Ова достигнување зборува за нашата желба за извонредност и разбирање на потребите на потрошувачите, клучните фактори за производство на извонредни OLED монитори за гејмери кои бараат перформанси ширум светот“.
Samsung, исто така, ја одржува својата лидерска позиција на севкупниот глобален пазар на гејминг монитори веќе петта година по ред, забележувајќи пазарен удел од 20,8% во однос на вкупниот приход.
Откако влезе на пазарот за OLED монитори, Samsung продолжи да иновира и да добива пофалби за новите монитори, вклучувајќи го и Odyssey OLED G9 (модел G95SC), кој доби широко признание од експерти и рецензенти ширум светот.
На CES 2024, Samsung најави проширување на својата линија OLED монитори, откривајќи три нови производи:
·Odyssey OLED G8 (модел G80SD), со 32” 4K UHD резолуција, сооднос 16:9, стапка на освежување 240Hz и време на реакција 0.03ms (GtG)
·Odyssey OLED G6 (модел G60SD), со 27” QHD резолуција, сооднос 16:9, стапка на освежување 360Hz и време на реакција 0.03ms (GtG)
·Ажуриран Odyssey OLED G9 (модел G95SD), со 49” двојна QHD резолуција, сооднос 32:9, стапка на освежување 240Hz, време на реакција 0.03ms (GtG) и нови функции.
Новите OLED понуди ги импресионираа првите рецензенти и веќе освоија награди. На CES - најмоќниот технолошки настан во светот - Odyssey OLED G9 доби почесна награда за иновации на CES® 2024.[4]
Samsung ќе продолжи да ја диверзифицира својата линија на гејминг монитори со воведување на нови Odyssey OLED модели, од кои секој ќе ја користи комерцијалната OLED технологија на Samsung. Оваа иновација го следи успехот на серијата Odyssey Neo со Quantum Mini LED технологија, како и на Odyssey Ark, која покажа револуционерен интерфејс и формат.
За повеќе информации за водечките монитори на Samsung во индустријата, посетете ја https://www.samsung.com/mk/
За Samsung Electronics
Samsung го инспирира светот и ја обликува иднината со трансформативни идеи и технологии. Компанијата го редефинира светот на телевизорите, паметните телефони, носивите уреди, таблетите, апаратите за домаќинство, мрежните системи и меморија, LSI системите, полуспроводниците и LED решенија и обезбедува беспрекорно поврзано искуство низ својот SmartThings екосистем и отворената соработка со партнерите. Најнови вести на Samsung Newsroom: http://news.samsung.com/mk/.
IDC Q4 2023 Светски квартален гејминг тракер.
IDC Q4 2023 Светски квартален гејминг тракер, Класификацијата на гејминг мониторите се заснова на IDC критериумите (над 144Hz од 2023 г., 2Q, над 100Hz претходно). Врз основа на вредност.
Сиво на сиво, единица мерка за тоа колку време е потребно за еден пиксел да оди од едно ниво на сива боја на друго.
Наградите за иновации на CES се засноваат на описни материјали доставени до судиите. Здружението за потрошувачки технологии (CTA) не ја потврди точноста на кој било поднесен материјал или на какви било поднесени тврдења и не го тестираше предметот за кој беше доделена наградата.
ПР објава
