Се одржа доделувањето на наградите MTV EMA: Кој ја има песната на годината и зошто обожавателите на една се многу лути?

Поделени се статуетките, а една пејачка имаше посебна причина за да слави...

MTV доделувањето на музичките награди се одржа вчеравечер во Дизелдорф во Гермнија. Вообичаено на музичките награди особено ги гледаме модните комбинација во кои познатите се појавуваат на црвениот тепих, но годинава поинтересни беа освоените награди.

Која ја има песната на годината, а кој е пејачот на годината? Вчеравечер голем број обожаватели следеа што се случува во Дизелдорф и дали нивните миленици ќе освојат награди. Некои имаат среќа, а некои не толку. MTV EMA е посебно интересен за љубителите на пејачката, бидејќи овде се брои и нивниот глас. На неколку недели пред доделувањето, тие можат да гласаат за своите фаворити и да обезбедат стутуетка за нив во категоријата во која се номинирани.

Оваа година досега имавме многу добри моменти кога е музиката во прашање и песни кои го освоија светот. Нема сомнеж кој е големиот победник на вечерта: Тејлор Свифт. Таа доминираше на доделувањето, а особено ги воодушеви сите бидејќи всушност се појави таму! Сепак, во модната комбинација не воодушеви.

Најнезадоволни беа обожавателите на Ники Минаж, кои сметаат дека пејачката е ограбена и дека Тејлор Свифт ѝ ги „украла“ наградите во подредени категории и дека всушност сѐ било наместено. Дали се во право или не, кој знае! Ники не го напушти шоуто со празни раце, но изгледа мислат дека таа заслужува многу повеќе. Тие го преплавија Инстаграм со коментари во кои „удрија“ по MTV EMA. А, кој ги освои наградите - погледнете во продолжение:

# Најдобра песна: Ники Минаж - „Super Freaky Girl“

# Најдобар спот: Тејлор Свифт - „All Too Well“

# Најдобар изведувач: Тејлор Свифт

# Најдобра музичка соработка: Дејвид Гета & Бебе Реџа - „I'm Good (Blue)“

# Најдобар концерт: Хари Стајлс

# Најдобар поп изведувач: Тејлор Свифт

# Најдобар нов изведувач: Seventeen

# Најдобар британски и Ирски изведувач: Хари Стајлс

# Најдобар К-поп изведувач: Лиса

# Најдобар латино изведувач: Анита

# Најдобар хип хоп изведувач: Ники Минаж

# Најдобра рок група: Muse