Седум бои кои ќе владеат оваа есен: Една е вистинско изненадување и секоја комбинација ја крва на повисоко ниво
Откријте кои бои ќе се носат оваа есен...
Модните уредници и љубителите на модата се подготвуваат за модната есен, а освен за кроевите, модните додатоци, најпопуларните парчиња, размислуваат и за боите што ќе го одбележат периодот што следува. Неколку од нив се истакнаа на врвот на листата на најпопуларни.
# Индиго сина боја
Оваа препознатлива нијанса на сина си го најде своето место на модните писти. Фустаните, јакните и, се разбира, панталоните изгледаат одлично во оваа боја, за која се верува дека поттикнува повисоко ниво на концентрација.
# Маслинеста (војничко) зелена
Секојдневните клучни парчиња од есенската гардероба ја креваат маслинесто зелената нијанса на повисоко ниво. Тоа е нијанса која добро ќе се вклопи со остатокот од вашата гардероба. Без разлика дали ќе изберете јакна, капут, џемпер или фустанче во оваа боја, нема да погрешите.
# Кафена
Кафеавата боја ќе биде полн погодок оваа есен. Можете лесно да комбинирате нови јакни, фустани и џемпери со вашите постоечки кафени додатоци.
# Црвена
Оваа примарна боја е прилагодлива за секој, дури и минималистички плакар. Лесно може да стане дел од сечија гардероба, и иако многумина ќе ја поврзат со пролетта, совршено се вклопува и во есенските комбинации.
# Фуксија
Бојата на фуксија ќе ја оживее секоја комбинација. Можете да ја омекнете со комбинирање со неутрални тонови, како сиви или слонова коска. Оваа смела боја е дефинитивно една од оние што ќе ве лансираат во центарот на вниманието оваа есен.
# Сребрена
Оваа есен, не мора да ја чувате сребрената облека само за специјални настани. Модните експерти тврдат дека оваа боја ќе биде дел од секојдневните комбинации.
Плисирани здолништа и јакни во сребрени нијанси можат да бидат парчиња што ќе им дадат сјај на вашите комбинации.
# Пастелно виолетова
Оваа есен, исто така, ќе се носи и пастелно виолетовата, што ќе ги тргне настрана дури и популарните пастелни розови нијанси. Секое парче облека или моден додаток во оваа боја ќе биде полн погодок за есента која е пред нас.
фото: CORNEL CRISTIAN PETRUS / SHUTTERSTOCK EDITORIAL / PROFIMEDIA