СИМПАТИЈА НА НЕДЕЛАТА: Бојан Мицев, момчето кое ќе ве освои со својот танц!

За себе вели дека најпрво почнал да игра, па да зборува. Наша овонеделна симпатија е 20 годишниот Бојан Мицев од Штип. Трета година е на Факултетот за музичка уметност во Скопје, на студиите балетска педагогија – современ танц.

Првата едукација за танцот ја добил родниот град во студиото за хип-хоп и моденрни танци „Get Ready“, на 11 години. Потоа следел моментот кога ги создавал неговите први хип хоп кореографии, а првата работа како педагог во новото студио во Штип „Get Fit“.

Од 17 години почнува професионално да се занимава со современиот танц, а интересно е тоа што една година патувал  секојдневно од Штип во Скопје обратно, само за да може да вежба. Бојан денес е инструктор во Beatrix Crew во Скопје, веќе втора сезона. Има посетено и два летни кампа еден во Врање, Србија во 2017 и еден во Мадрид, Шпанија во 2018.

Зад себе има многу награди и признанија, меѓу кои ги издвојува Државен првак во хип хоп мажи 2015 и прво место формација на Меѓународен натпревар во Струга. Моментално танцува и си ја надоградува својата пракса надвор од Македонија, поточно сега е танчер во компанијата "Elephant in the Black Box" во Мадрид,  Шпанија.

Редакцијата на Hashtag.mk му посакува многу успеси на ова младо и амбициозно момче!