Со видео приказна посакаа убав распуст: Дајте музика и Нокаут порачуваат „Музика под итно“

Песната „Музика под итно“, која момците од Нокаут заедно со екипата од „Дајте музика“ ја претставија во една од епизодите од оваа ТВ емисија, доби видео приказна.

Ова видео е полно со позитива, која е потребна во овие денови, а истото го објавија денес, на 10 јуни, со цел да го поздрават последниот училиштен ден.

„ОГРОМНА благодарност до сите наши фанови кои нѐ следевте, ни пишувавте, нѐ поддржувавте и нѐ охрабрувавте во оваа наша навидум невозможна мисија да врвиме напред: со извалкани патики, искинати панталони, исфлекани маици, калливи раце, многу искарани од продуцентите, но секогаш со полни срца ЉУБОВ! ВЕ ГУШКАМЕ СИТЕ! Имајте убав распуст, почитувајте ги мерките и препораките за заштита и останете во добро здравје #ЧувајтеСе !!! Ииии се гледаме наскоро со нови и интересни содржини!“ - напишаа во својата објава на Фејсбук и воедно им се заблагодарија на сите кои беа инволвирани во реализацијата на овој проект.

Во продолжение погледнете го видеото и уживајте со добрата музика: