Виде снег во мај, но и сандали во декември: Додека температурите се под минус, еве што носи Северина
Популарната хрватска пејачка Северина Вучковиќ се прошета во едно необично издание во Загреб...
Имено, Загреб денес се разбуди под снежна покривка, а само три дена порано неговите улици ги раздрма Северина. Имено, оваа популарна пејачка на улиците на главниот град на Хрватска се појави во сандали.
Имено, Северина своите сини сандали ги искомбинира со фустан со копчиња од вештачка кожа. Но, наиде на многу критики, бидејќи оваа комбинација не се вклопува баш најдобро со годишното време.
И додека некои следбеници ја бодреа дека е храбра, други сугерираа дека сепак е ладно за сандали, како и дека ѝ се заканува настинка.
Но, Северина беше посилна од ниските температури, судејќи по тоа дека вчера повторно сподели фотографија од снимањето на емисијата со Петар Грашо, на која повторно е во сандали.