(ВИДЕО) Стоечки овации за нашата Антониа: Солзите беа неминовни на сцената на „Пинкове ѕвездице“!

Уште еден успешен петок за нашата Антониа Гиговска. Таа помина уште еден круг во музичкото натпреварување „Пинкове ѕвездице“. Ја отпеа песната „Writing’s on the wall“ која во оригинал ја изведува англискиот пејач Сем Смит.

Своите црвени столчиња веднаш ги подигнаа Милан Станковиќ, Кристина Коцкар и Гоца Тржан, а набрзо тоа го направија и Леонтина Вукомановиќ и Наташа Беквалац. Тие за време на целиот настап извикуваа пофални зборови, секако на сметка на Антониа.

По својот настап, нашата пејачка доби голем аплауз од жирито и публиката, Милан и Кристина аплаудирајќи скокнаа од своите црвени столчиња. Сето ова Антониа го прими многу емотивно, што дури беше на работот да заплаче.

„Твојата животна определба е да бидеш шампион. Си добила дарба, сега оди само напред“ – истакна Милан.