ВИСТИНСКИ ХЕРОЈ: На улиците се појави Бетмен - секако за да им помогне на луѓето

Непознат човек маскиран во Бетмен дели храна на бездомниците на улиците на Сантјаго и им дава утеха на оние кои им е потребна по повеќемесечните рестриктивни мерки во чилеанската престолнина поради новиот коронавирус, пренесуваат медиумите.

Маж во костимот на Бетмен, опремен и со заштитна маска поради Ковид - 19, редовно доставува храна на неколку чинии со топла храна на бездомниците низ Сантјаго. 

Вели дека сака да остане анонимен.

„Погледнете околу себе, доколку не можете да посветите малку време, да дадете малку храна, засолниште, понекогаш зборот може да ги охрабри оние на кои им е потребна утеха, направете го тоа.“ - вели тој, додавајќи дека целта му е да ги развесели и да ги обедини луѓето.