Александра Пријовиќ првпат за внатрешната борба и несигурност: Многумина мислат дека живее живот од бајките
Александра Пријовиќ конечно проговори за проблемите со кои се соочува...
Пејачката Александра Пријовиќ ужива во животот. Има прекрасен сопруг, кој ја обожува, преслатко синче и скоро сѐ што може да посака. Токму поради тоа за својот 25 - ти роденден имаше скромни желби. Но, додека многумина мислам дека таа има сѐ во животот, пејачката откри дека таа и понатаму води внатрешни борви и понекогаш не е сигурна во себе.
„Сите во себе имаме некои борби, помали или поголеми. Најмногу ми недостасуваат луѓето кои не се со нас. Материјално не ми недостасува ништо и кога имав помалку, само сакав моето семејство да има доволно. На тоа работев од својот прв настап и никогаш не се плашев. Ова е нешто што умеам да го правам и во што сум сигурна и знам дека ќе успеам. Само нека бидат тука луѓето кои ми се важни. За останатото е лесно. А, доколку сведеме на некои секојдневни желби, ми недостасуваат малку повеќе настапи, да се почувствувам живо, да бидам со својата публика, да разменуваме енергија, љубов, но ќе го имаме и тоа“ - рече Александра која конечно проговори и за недостатоците кои во последно време ги чувствува.
Во интрвјуто за „Блиц“ откри дека со текот на времето станала многу посилна и дека повеќе не се насочува кон лошите коментари. Својот живот и успеси ги темили на поддршката што ја има во семејството и со текот на времето научи да се сака себе си каква што е.
„Кога бев млада, ми се случуваше и да заплачам. Ја чувствував неправдата длабоко и силно. Не се снаоѓав добро на почетокот, но кога научив дека тоа е составен дел од јавната работа и дека на луѓето не може да им се удоволи и дека секогаш ќе има некој што нешто нема да му се допадне, некој кој ќе ги извлекува работите од контекст, кој ќе разбира како што му одговара, се опуштив. И можеби станав посилна. Јас сум тоа што сум, публиката ли луѓето кои ме сакаат го знаат тоа и го чувствуваат. Нема тука лаги и измами. Мислам дека кога ќе се предадете на нешто, ќе се дадете себе, како што јас во оваа работа - тогаш нема грешки.“ - раскажа таа.
Може да ве интересира:
Од грдото пајче до најубав лебед: Погледнете го првиот настап на Александра Пријовиќ