Бесплатно и без креирање на профил: Еве како можеш да ги гледаш популарните филмови и серии на Нетфликс

Ќе имаш занимација за време на претстојниот викенд...

За жал, не можеш да гледаш се што е објавено на Нетфликс, но можеш некои од успешните филмски остварувања како што е „Bird Box“ или серијата „Stranger Things“. Дознај како и што нуди оваа бесплатна опција.

Доколку размислуваш за тоа да направиш профил на Нетфликс, но никако не можеш да го направиш, бидејќи не сакаш да даваш пари за тоа или сметаш дека поголемиот број содржини се без врска, сега можеш да ја испробаш оваа платформа бесплатно. Нетфликс ја претстави страната „Watch Free“, на која засега имаат објавено 6 свои популарни серии и 4 филмови, кои сите може да ги гледаат бесплатно. Станува збор за наслови кои во последната година беа многу гледани и успешни. Не откриваат дали ќе додаваат уште бесплатни наслови, но не би било фер кон оние кои плаќаат. Сериите се таму од првата епизода на првата сезона, што е одлично за оние кои се уште ги немаат гледано, а не се сигурни дали ќе им се допаднат. Ова е добар начин да го провери тоа.

Овој бесплатен додаток не е можно да се најде преку Нетфликс апликацијата, туку ќе мора директно да одиш на ОВАА СТРАНИЦА.

Достапна е за сите гледачи ширум светот, каде и да се наоѓа. Не треба да се логираш, ниту да внесуваш никакви податоци, само влегуваш на страницата и да одбереш што сакаш да гледаш. Во нудата се ставени следните наслови: серии - Stranger Things, Elite, When They See Us, Grace & Frankie, Love is Blind и Our Planet, како и филмови: Murder Mistery, Bird Box, The Two Popes и Boss Baby: Back in Business.

Не се знае колку долго ќе трае оваа понуда, затоа искористи го викендот и влези во светот на филмовите.