Бимилк ги расони ранобудните граѓани со „Флерт Кафица“ за убав почеток на работниот ден

Деновиве бевме сведоци дека на повеќе автобуски станици и локации низ целата територија на Скопје, Бимилк ги изненади граѓаните со вистинско утринско будење.

Под мотото „Таа те буди“, во раните утрински часови насекаде низ градот, граѓаните имаа можност да го вкусат новото кафе „Флерт Кафица“ и да се расонат пред почетокот на новиот работен ден.

„Одличен момент за кафе во 7 часот наутро“, „Кафето навистина ме расони“, „Супер утринско изненадување од Бимилк“, „Вистинска доза енергија“ ⎼ се само дел од коментарите на граѓаните што дегустираа еден од трите вкуса на „Флерт Кафица“: капучино, макијато или еспресо.

„По повод лансирањето на новите производи ’Флерт Кафица‘, одлучивме да ги изненадиме граѓаните за убав почеток на работниот ден. ’Флерт Кафица‘ е идеално освежување за сите оние што се во движење, а корисните својства на млекото и кафето му даваат дополнителна енергија на организмот и ја подобруваат концентрацијата“, рече Полексена Јанкуловска, маркетинг-менаџер во Бимилк.

Инаку, новите производи „Флерт Кафица“, всушност, се вистинско кафе со силна доза кофеин и високoквалитетно млеко, спакувани во практично пакување. Достапни се во сите поголеми маркети низ земјата во три вкуса, во пакување од 330 мл.