Чарли Д'Амелио повеќе не е само ТикТокерка: Луѓето не можат да си поверуваат колку е добра во новата професија (ВИДЕО)
Можеш да се увериш и ти...
Многу ТикТокери во еден момент одлучуваат да станат и пејачи, а последна која се обиде во музичките води е Чарли Д'Амелио. Не ѝ е доволно што е една од најпопуларните ТикТокерки, па сега сака да стане и пејачка.
Оди по стапките на својата сестра! Дикси веќе некое време се занимава со пеење, а сега тука е и Чарли. Никој не очекуваше дека ќе тргне во оваа насока со својата кариера, не најави ништо и само одеднаш објави песна. „If You Ask Me To“ сега е достапна на музичките стриминг апликации, а наскоро доаѓа и спот, кој е веќе снимен и подготвен.
Чарли за овој проект мудро молчеше цело време, а дури во последната епизода од „The D'Amelio Show“ проговори за премиерата на песната. Иако нема видео, на Јутјуб можеш да ја слушнеш само песната, бидејќи луѓето веќе ја имаат споделено.
Ова е нејзината прва песна, но како што сметаме нема да биде последна. Она што сите ги интересира е каква е и какви се реакциите? За разлика од Адисон Реј која доби многу негативни коментари кога почна да објавува музика, со Чарли ситуацијата е многу поинаква. Луѓето се воодушевени. Никој не може да верува дека таа звучи толку добро.
Песната е совршена, нејзиниот глас е супер, песната е токму за неа, изгледа дека сите коцки се споиле. Неверојатно, но за сега нема негативни коментари. Да, таа уште ТикТокерка која се обидува да биде пејачка, но тоа го прави многу добро.
фото: Принтскрин / Инстаграм