Чендрер потврди: Тимот на „Пријатели“ ќе се обедини во март

Легендарниот Метју Пери во серијата го играше Чендлер, ликот кој е познат по сарказам и смешните моменти од кои „плачевме“ од смеа. Токму Чендлер ја потврди долгоочекуваната вест!

Долго, долго, се шушкање за обединувањето на актерите од легендарната серија „Пријатели“ и снимањето на посебен серијал. Сега конечно го дознавме датумот кога треба да се случи тоа. Имено, актерот Метју Пери, кој го отелотворуваше ликот на Чендлер, откри дека серијалот ќе почне да се снима во март следната година, пишува Her.

„Обединувањето на „Пријатели“ е одложено за почетокот на март. Изгледа дека следната година ќе бидеме навистина зафатени, исто како што сакам јас!“ - напиша тој на Твитер. 

Friends reunion being rescheduled for the beginning of March. Looks like we have a busy year coming up. And that's the way I like it!

— matthew perry (@MatthewPerry) November 12, 2020

Серијата требаше да започне да се снима во август оваа година, но снимањето беше одложено поради пандемијата. Сега сите со нетрпение го очекуваат тоа, а спејалот треба да излезе на ХБО Макс.

Метју Пери, Џенифер Анистон, Кортни Кокс, Лиза Кудроу, Мет Лебланк и Дејвид Швимер треба да се обединат во новата специјална епизода и со тоа да ни дадат нов материјал за гледање, кога е во прашање оваа легендарна серија. Сите со нетрпение го очекуваме тоа бидејќи веќе илјада пати ги имаме изгледано старите епизоди.