Дојде до промена на тронот: Која позната дама има најмногу следници на Инстаграм?
Прва девојка која дојде до оваа бројка...
На тронот на Инстаграм често нема големи промени. Познатите личности кои имаат многу следбеници најчесто се недостижни за сите останати, но и таму, се случува некој да биде тргнат од тронот. Како сега на пример.
Досега најследена дама на Инстаграм беше Ариана Гранде и прилично долго време никој не можеше да дојде блиску до неа, а за престигнување да не зборуваме. Сѐ до сега. Ариана повеќе не е девојката со најмногу следбеници, а ја престигна еден член од семејството Кардашијан - Џенер.
Тоа е Кајли! Таа моментално има 301 милион следбеник и така стана првата дама која се приклучи на клубот од 300 милиони следбеници, пишува „Mirror“. До сега во него беа само Кристијано Роналдо и Меси. Ариана до неодамна беше најследена, но таа сега остана на 289 милиони следбеници, што е помалку од бројот на следбеници на Кајли. Уште две дами кои се во близина со бројките и кои може да ги достигнат Кајли и Ариана се Селена Гомез (289 милиони) и Ким Кардашијан (289 милиони).
Всушност ова е многу чуден тајминг за Кајли да добие толку следбеници со оглед на тоа што во последно време престана често да споделува содржини. Истото го направи и кога беше првпат бремена. Изгледа дека тоа е добра тактика за да привлече следбеници, барем се покажа како добра во нејзиниот случај. Сите нетрпеливо очекуваат кога ќе биде објавена веста дека се породила и секако да се дознае името на детето, бидејќи сигурно ќе биде некое не толку вообичаено.
