Џастин Бибер има нова песна: Со неа најавува нова ера за неговата музика

Ти се допаѓа ли насоката во почна да се движи Џастин?

Џастин на своите социјални мрежи нагласи дека влегува во нова ера, а иако на никој во потполност не му беше јасно што значи тоа, новата песна која излезе пред неколку часа може малку да ја подобјасни оваа изјава.

За среќа на сите обожаватели на Џастин Бибер, излезе новата песна и видео! „Holy“ е во соработка со музичарот Chance the Rapper, а песната е малку нетипична за Џастин. Иако звучи како типична лесна песна како што и вообичаено вади Џастин, кога ќе ја слушнеш малку подобро и ќе се фокусираш и на текстот, ќе воочиш дека со ова Џастин зачекори во „госпел музиката“.

„Holy“ е емотивна песна која ја слави верата и надежта. И низ видеото и текстот јасно се гледа дека Џастин сака да ја покаже својата наклонетост кон верата. Дали тоа е музичкиот правец во кој ќе продолжи понатаму? Постои добра можност наскоро да излезе и новиот албум, кој е најавен во оваа песна и кој ќе биде во стилот на „новиот Џастин“.

Менаџерот на Џастин, Скутер Браун исто така им најави на обожавателите дека има уште многу работи кои се подготвуваат и за кои ќе бидат изненадени. Реакциите на обожавателите се позитивни и никој не беше изненаден со темата кон која се насочи Џастин, бидејќи тој се почесто го става фокусот на верата.