Елен Деџенерис за новата вила плати 49 милиони долари: Погледот од птичја перспектива е нереален

Познатата водителка купи нова вила во Монтесито, чија цена во 2006 година изнесувала 11 милиони долари...

Американската водителка Елен Деџенерис и нејзината сопруга Портија Де Роси искешираа 49 милиони долари за нов имот во Монтесито, Калифорнија, во близина на вилата на принцот Хари и Меган Маркл.

Имено, уште во октомври, стана познато дека водителот на „Saturday Night Live“, Денис Милер и неговата сопруга го продаваа имотот во Монтесито за 49 милиони долари во готово.

Во тоа време, имињата на новите сопственици не беа познати во јавноста, а сега се дознава дека мистериозни купувачи се Елен и нејзината долгогодишна партнерка.

Веќе е познато дека Елен често купува скапи недвижнини, а ова е една од најскапите досега. Купува вили по пониска цена, ги реновира и ги продава по повисока цена на холивудски милијардери и познати личности.

Таа неодамна купи вила во Монтесито за 27 милиони долари, а неколку месеци подоцна ја продаде за 29 милиони, со што за кратко време заработи 2 милиони долари.

Освен што 62-годишната ѕвезда ќе биде сосед со принцот Хари, Меган Маркл и малиот Арчи, нивниот имот е во близина на вилата на Кети Пери и нејзиниот свршеник Орландо Блум, кои во октомври, оваа година купија луксузен објект со поглед на океанот за 14,2 милиони долари.

Имотот на Елена се простира на 4,3 хектари земја, додека главната куќа има 836 м2 и е уреден во холандски стил. Покрај неа се наоѓа куќа пред базенот, која се користи како бар, потоа голема гаража, куќа за гости и уште неколку други објекти.

Покрај базенот има големо езеро со рибник, како и патека за шетање природа.

Поранешните сопственици Милер и неговата сопруга живеат во оваа куќа од 2006 година и ја купија за 11 милиони долари, а сега ја зголемија цената за 38 милиони долари, што е една од најголемите разлики во цената досега.

Имотот никогаш не бил на јавна продажба, но на фотографиите на Елен и Портија може да се види како изгледа куќата.

Пространа е и светла со високи тавани, отворена кујна, мермерни подови, големи стаклени прозорци низ кои влегува природна светлина, додека пред вилата има градина и градина со палми и други тропски растенија.