Емина Јаховиќ искрено за тешкиот период: Беше навистина тешко, но...

Пејачката Емина Јаховиќ со години живее на релација Белград - Истанбул, а како што сака да каже за себе, обожува да работи и во секоја работа ужива.

„Јас сум вистински генератор, машина. Сакам да работам, не сум во состојба да лежам, да безделничам.... Не сум од таква природа и кога не работам се чувствувам многу лошо“ - кажа таа, а потоа опиша како се бори со тешките моменти во животот.

„Секогаш велам дека животот не е отсуство на проблеми, туку начин на кој треба со нив да се изборите. Крајот на 2017 и почетокот на 2018 година ќе ги паметам по не толку убави моменти во својот живот. Беше многу тешко, но се изборив и станав само посилна“ - раскажа Емина за црногорските медиуми.