Емотивна средба на сестрите кои се виделе за првпат: Успешно се раздвоени сијамските близначки

Сијамски близначки од Израел, кои се родени свртени со грб една кон друга и со споени глави, се раздвоени со операција и за првпат се погледнале во очи...

Едногодишни сијамски близначки се успешно раздвоени и сестрите кои биле споени со главите и грбовите конечно може да се видат.

Израелските доктори првпат извеле многу ретка операција на едногодишните сијамски близначки кои се родени со споени глави и свртени со грбот една кон друга.

12-часовната операција е направена во Медицинскиот Центар Сорока во Биршеба, пишува „Јерусалем Пост“.

„Ова е многу ретка операција, досега во светот е изведена само 20 пати, а првпат во Израел кај едногодишни бебиња, едни од најмладите на кои овој зафат е изведен.“ - кажа докторот Мики Гидон, директор на детската неврохирургија во Сорока.