Го приведе полиција и му го одзема Поршето: Бака Прасе повторно има проблеми со законот

Бака Прасе за кратко се огласи за сè на Инстаграм...

Вчера нешто пред 17 часот беше уапсен популарниот белградски јутубер, Бака Прасе, а полицијата, наводно, му го одземала автомобилот, Порше Карера, пишува Курир.

Властите утврдиле дека ЈуТјубер управувал возило регистрирано во странство без присуство на сопственикот, а неговото возило е привремено одземено поради сомнение за царинско прекршување и поради полициски проверки.

Тој за кратко проговори за сè на Инстаграм. Сними Инстаграм стори и кажа дека повторно бил уапсен. „Се заебав којзнае колку пати, се гледаме во Некролог“ - беше малку саркастичен јутуберот, осврнувајќи се на истоимениот филм за порастот на криминалот во Србија. 

Бака Прасе е познат по своето бунтовно однесување, па полицијата го уапси пред неколку месеци затоа што „го прекрши полицискиот час“, кој тогаш важеше на територијата на Белград поради пандемијата на коронавирусот.