Хари Стајлс во фустан на насловната на „Вог“: Обожувам да носам женска облека
Пејачот ги поместува границите...
Хари Стајлс ја краси насловната страна на магазинот „Вог“, на која уште еднаш ги помести границите.
Овој пат, младиот пејач облече фустан, а како што призна и во самото интервју, тој обожува да носи женска облека.
Не е тајна дека Стајлс, откако ги напушти „One Direction“ стана вистина модна икона. Неговите храбри и единствени модни потези се паметат, а обожавателите се опседнати со сето она што тој го носи.
Она поради што добива многу комплименти е и фактот дека не се плаши да носи парчиња кои традиционално се резервирани за жените. Инаку, Хари е и првиот маж кој се најде на насловната страна на магазинот „Вог“, за 127 - те години постоење на магазинот.
На насловната е облечен е во „Гучи“ јакна и фустан, додека во едиторијалот носи различни фустани.
„Еднаш кога ќе ги избришете границите помеѓу тоа што е облека за мажи, а што за жени, ви се отвара ново поле во кое може да си играте“ - рече Хари.
„Понекогаш шетам низ продавници, ја гледам женската облека и размислувам колку е прекрасна. Така е со многу работи во животот: кога себе ќе си поставите некои граници, само се ограничувате. Има толку уживање во играта со облеката. Никогаш премногу не сум размислувам за тоа што значи тоа“ - додаде.
Хари истакна и дека стилистот Хари Ламберт во потполност го разбира и дека поеднакво сака да си игра со модните комбинации.
„Не можете да претерате. Не постои таква работа. Моите музички идоли - Принц, Дејвид Боуви, Фреди Меркури, Елтон Џон - сите се шоумени. Тоа ме воодушевуваше кога бев дете. Сега носам блескави работи и тоа воопшто не ми изгледа лудо“ - рече и заклучи:
„Облеката е тука да не забавува и да ескпериментираме и да си играме“.
Извор: teenstar.rs